funu-na'in

ida...
rua...
kilat musan rua borus nia hirus-matan.
nia monu...
nia hamriik fali, ho nia kilat.
nia tiru...
pa pa pa pa...

tolu...
haat...
kilat musan rua belit tan iha nia isin.
nia monu...

kurtina mean monu hosi lalehan,
taka nia oin...

Silénsiu...
dame, hakmatek, iha ai-laran
Iha Matebian ho Ramelau
nia klaran

nia isin monu ba rai,
latan iha nebá, iha nia rain
nia hakilar “Vitória!”

funu hotu ona...
nia mate ho solok
tan nia hatene
nia mate ba nia rain
atu sai livre

no ita mos sai livre...


 

Copyright 2006| Blogger Templates by GeckoandFly modified and converted to Blogger Beta by Blogcrowds.
No part of the content or the blog may be reproduced without prior written permission.